فه‌همی ڕۆسته‌می به ناوی ریکخراوه یی(سیروان ناری)ه‌وه‌ به رپرسی ڕاگه یاندنی پژاک، یه‌كێك له‌وانه بوو كه له‌و ڕووداوه دڵته‌زێنه‌دا گیانی به‌خت كرد.

     شه‌هید فه‌همی كوڕه‌زازای شاعیری گه‌وره‌ی كورد (كاكه حه‌مه‌ی بێلو - ناری) ه و له بنه‌ماڵه‌یه‌كی خۆشناو و دیاری شاری مه‌ریوانه.  هه‌ر له سه‌ره‌تای لاوێتییه‌وه ده‌ستی كرد به‌چالاكی سیاسی و به‌زوویی خۆشه‌ویستییه‌كی زۆری له‌ ناو دڵی كۆمه‌لانی خه‌ڵك‌دا په‌یدا كرد.

    له‌ ڕووداوه‌كانی ڕه‌شه‌مه‌ی 77 دا بۆ ماوه‌ی ساڵێك زیندان كرا و 2.5ساڵیش حوكمی ته‌عزیرییان به‌سه‌ری دا سه‌پاند،  چه‌ند مانگێك دوای هاتنه‌ده‌ره‌وه‌ی له‌ زیندان (سه‌ره‌تای به‌هاری 79) رووی كرده‌ شاخ و به‌ته‌واوی خۆی بۆ خزمه‌تی زێده‌تری گه‌له‌كه‌ی ته‌رخان كرد و بووه‌ قوتابییه‌کی زیره‌کی قوتابخانه‌ی ڕزگاری کوردستان و باپیری وته‌نی:

به‌ چاوی که‌م له‌ ناری چاوه‌که‌م مه‌ڕوانه‌ بڕوانه‌

له‌ گۆشه‌ی مه‌دره‌سه‌ی عه‌شقت چ شاگردێکی هۆشیارم

    سه‌ره‌نجام دوای چه‌ندین ساڵ ژیان به‌ عه‌شقی ئازادی وڵاته‌که‌یه‌وه‌ و خه‌باتێکی ماندوونه‌ناسانه‌ له‌ پێناوی ‌دا 14 ی گه‌ڵاڕێزانی ئه‌مساڵ له جلوبه‌رگی پیرۆزی پێشمه‌رگایه‌تی و له‌ناو سه‌نگه‌ر‌دا دڵه مه‌زنه‌كه‌ی له لێدان كه‌وت.

    به‌رز و به‌ڕێز بێت یادی ئه‌و ڕۆڵه قاره‌مانه‌ی گه‌له‌كه‌مان و سه‌رجه‌م شه‌هیدانی ڕێگه‌ی رزگاری کوردستان

- مرۆڤێک ئه‌ویندار، فه‌رهادێک بێپه‌روا، په‌پووله‌یه‌ک تامه‌زرۆ

- شاعیری به‌تواناوهه‌ست ناسک و له‌ ‌هه‌مانکاتیشدا سه‌رکه‌وتووی ئه‌ده‌بیاتی به‌رگری

- ئه‌ندامی دڵسۆز و کارامه‌ی ئه‌نجومه‌نی فه‌رهه‌نگی ئه‌ده‌بیی مه‌ریوان

- له‌ دامه‌زرێنه‌ران و هه‌ڵسووڕێنه‌رانی ڕێکخراوی سینفی قوتابییانی شاری مه‌ریوان

- چالاکی فه‌رهه‌نگی و سیاسی و خۆشه‌ویستی دڵی خه‌ڵک و خه‌باتگێڕانی هه‌موو سه‌نگه‌ره‌کانی شۆڕشی ڕزگاریخوازی کوردستان

- وێڕای ئه‌زمونێکی چه‌ند ساڵه‌ی خه‌باتی نهێنی، پێنج ساڵ و دووهه‌فته‌ پێشمه‌رگایه‌تی له‌ ناو ڕیزه‌کانیPKK  دا

- سه‌ره‌نجام بوون به‌ قوربانی خاک وگه‌ل، وه‌ک دووهه‌مین شه‌هیدی بنه‌ماڵه‌ و دوازده‌هه‌مین شه‌هیدی گونده‌که‌یان(بایه‌وه‌)

.........